Tanzania Airports Authority Blog

  • Home
    Home This is where you can find all the blog posts throughout the site.

TAA Blog

This is our official blog. It contains different events which TAA participate director indirect. For more social aspect about TAA, please visit our blog from time to time. Thanks.

Makamu wa Rais wa Jamhuri ya Muungano wa Tanzania Mhe. Samia Suluhu Hassan akiangalia namna samaki anaweza kufugwa vizuri bila kuharibu mazingira na kuleta manufaa kabla ya kuhutubia kwenye kilele cha siku ya mazingira duniani  kwenye viwanja vya Mwenge,Butiama.Siku ya Mazingira Duniani huadhimishwa tarehe 05 mwezi Juni kila mwaka, ikiwa na lengo kuhamasisha jamii duniani kote kuelewa masuala yahusuyo Mazingira na pia kuhamasisha watu wa jamii mbalimbali duniani kuwa mstari wa mbele katika kuchukua hatua za kuhifadhi na kulinda mazingira.

Kwa mwaka 2017, maadhimisho haya kimataifa yalifanyika nchini Canada yakiongozwa na kaulimbiu ya "Connecting People to Nature" (yaani mahusiano endelevu kati ya binadamu na mazingira). Kitaifa Siku ya Mazingira Duniani ilifanyika Mjini Butiama ikiongozwa na Kauli mbiu ya mwaka huu ni "Hifadhi ya Mazingira: Muhimili wa Tanzania ya Viwanda". Kaulimbiu hii inahamasisha wananchi kuwa na urafiki enedelevu na mazingira asilia ambapo kila mtu anapaswa kutambua, kufurahi, kujivunia na kulinda uzuri wa mazingira asilia yetu na kuhamasishana kuyatunza na kuhifadhi.

Kitaifa maadhimisho ya Siku ya Mazingira Dunia yalifanyika katika Uwanja wa Mwenge Mjini Butiama ambapo pamoja na sherehe hiyo kulikuwapo na Kongamano na shughuli mbalimbali kuhusiana na masuala ya Mazingira ambapo jumla ya miche ya asili 1,500 ilipandwa katika maeneo mbalimbali ya mji wa Butiama.

Aidha, katika zoezi hili Serikali inategemea kuwapo kwa faida zifuatazo:-

  1. Kuijengea jamii uwezo juu ya uelewa wa masuala ya mazingira na changamoto za kijamii zinazojitokeza katika utunzaji wa Mazingira.
  2. Kuwawezesha wadau kushiriki katika fursa zinazohusiana na upandaji wa miti.
  3. Kujadili mwendelezo wa utekelezaji wa shughuli zilizoratibiwa katika Mkoa na Wizara kuhusu namna bora ya uhifadhi wa Mazingira.
  4. Kuelemisha wananchi kupanda miti ili kukidhi mahitaji ya Dunia kupambana na ongezeko la hewa ya Carbon dioxide (Ukaa).
  5. Kuenzi kazi zote za Baba wa Taifa Mwl. Julius K. Nyerere katika hifadhi ya mazingira.

Maadhimisho katika Ngazi ya Wizara
Sekta ya Uchukuzi katika Wizara Ya Ujenzi,uchukuzi Na Mawasiliano imekuwa kila mwaka ikishiriki katika maadhimisho ya Siku ya Mazigira Duniani kwa kufanya shughuli mbalimbali. Mwaka huu Sekta ya Uchukuzi pamoja na taasisis zake iliungana na sekta nyingine nchini katika kuadhimisha siku ya mazingira Dniani Sekta ya uchukuzi iliadhimisha siku hii muhimu kwa kufanyakazi mbalimbali ikiwa pamoja na kupima utaoaji wa gesi joto kutoka kwenye Magari, Kupanda miti kufanya usafi katika maeneo ya Chuo cha Usafirishaji cha Taifa (NIT) pamoja na maeneo ya jirani.

image2Katibu Mkuu wa Wizara ya Ujenzi, Uchukuzi na Mawasiliano (Sekta ya Uchukuzi), Dk. Leonard Chamuriho aliyekuwa Mgeni rasmi akiwahutubia wafanyakazi wa taasisi zilizopo chini ya sekta hiyo, kabla ya kuanza kwa zoezi la kufanya usafi wa mazingira kwenye Chuo cha Usafirishaji cha Taifa (NIT) na Soko la Mabibo, ikiwa ni Maadhimisho ya Siku ya Mazingira Duniani iliyoadhimishwa jana.

 Awali kabla ya kuanza kwa usafi huo, Katibu Mkuu wa Sekta ya Uchukuzi, Dr. Leonard Chamuriho aliyekuwa mgeni rasmi alisema, Jiji la Dar es Salaam na maeneo mengine nchini limeendelea kuathirika na uchafunzi wa mazingira kwa njia mbalimbali, ambapo amewataka wafanyakazi kufanya usafi wa mara kwa mara.

Dr. Chamuriho alisema usafi wa mazingira unaondoa na kuzuia magonjwa ya milipuko yanayosababishwa na uchafu, endapo mazingira hayatasafishwa ipasavyo.

Hata hivyo, alisema usafi uendane na Kaulimbiu ya Siku ya Mazingira Kimataifa ya Mahusiano Endelevu kati ya Binadamu na Mazingira, wakati ya Kitaifa ni Hifadhi ya Mazingira Muhimili kwa Tanzania ya Viwanda.

"Tunaungana na wenzetu kusafisha mazingira lakini pia tujenge tabia ya kufanya usafi wa mara kwa mara, ili kujilinda na magonjwa ya milipuko," alisema Dr. Chamuriho.

Mbali na kupanda miti na kusafisha mazingira pia sekta ilifanya upimaji wa kiwango cha gesi toka kwenye magari.


image3

Mkuu wa chuo cha Usafirishaji cha Taifa (NIT) Mhandisi. Profesa Zacharia Mganilwa (kushoto), Katibu Mkuu wa Wizara ya Ujenzi, Uchukuzi na Mawasiliano (Sekta ya Uchukuzi), Dk. Leonard Chamuriho (wapili kutoka kushoto), Mwenyekiti Serikali za Mtaa wa Mabibo (wapili kutoka kulia) na Mkurugenzi wa Viwanja vya Ndege vya Mikoa (DRA) kutoka Mamlaka ya Viwanja vya Ndege, Ndugu Valentine Kadeha (wakwanza kulia) wakiwawanaelekea kwenye soko la Mabibo kufanya usafi.

image4

Katibu Mkuu wa Wizara ya Ujenzi, Uchukuzi na Mawasiliano (Sekta ya Uchukuzi), Dk. Leonard Chamuriho akishiriki zoezi la usafi katika Soko la Mabibo pamoja na wafanyakazi kutoka taasisi mbali mbali zilizo chini ya wizara yake

image5

Katibu Mkuu wa Wizara ya Ujenzi, Uchukuzi na Mawasiliano (Sekta ya Uchukuzi), Dr. Leonard Chamuriho akipanda mti ndani ya Chuo cha Usafirishaji cha Taifa (NIT), ikiwa ni moja ya kazi zilizofanyika jana kwenye kilele cha Siku ya Mazingira Duniani, iliadhimishwa kwa kufanyika usafi maeneo ya nje ya chuo hicho na soko la Mabibo.

image6

Mkurugenzi wa Viwanja vya Ndege vya Mikoa (DRA), Bw. Valentine Kadeha (katikati) akishirikiana kupanda mti na wanafunzi wa shule ya Mpakani ya Mabibo, katika maadhimisho ya Siku ya Mazingira Duniani, iliyoadhimishwa jana kwa wafanyakazi wa taasisi mbalimbali wa Sekta ya Uchukuzi kufanya usafi nje ya Chuo cha Usafirishaji cha Taifa (NIT) na Soko la Mabibo.

image7

Mojawapo wa Wafanyakazi wa Mamlaka ya Viwanja vya Ndege, Swalha R. Soka akishiriki zoezi la upandaji miti ndani ya Chuo cha Usafirishaji cha Taifa (NIT)

image8

Mmoja wa wanafunzi wa Shule ya Msingi Mpakani akishiriki zoezi la upandaji miti katika maadhimiso ya siku ya mazingira duniani.

image9

Mmoja wa wafanyakazi wa Chuo cha Usafirishaji akiwa anaeleza kwa mgeni rasmi madhara ya gesi ya ukaa inayotokana na magari na namna chuo hicho kinavyoweza kupima magari na kutoa ushauri kwa watanzania katika kukabiliana na matatizo ya kimazingira yanasosababishwa na gesi ya ukaa.

image10

Baadhi ya wafanyakazi wa Mamlaka ya Viwanja vya Ndege pamoja na wanafunzi wa Shule ya Msingi Mpakani mara baada ya kumaliza zoezi la usafi wa mazingira.

 

Hits: 15
0

image1Mamlaka ya Viwanja vya Ndege Tanzania (TAA) itatoa tuzo kwa viwanja vya ndege vitakavyofanya vizuri katika kutunza na kusimamia mazingira.

Hayo yalisemwa leo na Kaimu Mkurugenzi Mkuu wa TAA, Salim Msangi wakati wafanyakazi wa Mamlaka ya Viwanja vya Ndege Tanzania wakiadhimisha siku ya Mazingira Dunia kwa kufanya usafi nje ya kiwanja cha ndege cha Kimataifa cha Julius Nyerere (JNIA) Dar es Salaam . TAA iliadhimisha Siku ya Mazingira Duniani kwa kufanya usafi (ambapo ilihusisha kyeka nyasi) na kuweka mbolea pamoja na kupunguza matawi ya miti iliyopandwa katika maadhimisho ya mwaka 2015.

Siku ya Mazingira Duniani itaadhimishwa kimataifa nchini Canada ikiongozwa na kaulimbiu ya "Connecting People to Nature", wakati kitaifa itafanyika mjini Butiama mkoani Mara ikiongozwa na kaulimbiu ya "Hifadhi ya Mazingira: Muhimili wa Tanzania ya Viwanda". Makamu wa Rais Samia Hassan Suluhu anatarajiwa kuwa mgeni rasmi wa maadhimisho haya.

Msangi aliwataka meneja wa viwanja vya ndege vilivyo chini ya usimamizi wa TAA nchini kutunza mazingara, ambapo aliahidi TAA kutoatuzo kwa kiwanja kitakachofanya vizuri zaidi.

Alisema kuwa wafanyakazi wa viwanja vya ndege wamekuwa mstari wa mbele kutunza mazingira miaka yote ili kuhakikisha jamii inaishi katika eneo salama.

Mbali na kufanya usafi wa kufyeka nje ya Terminal 3, pia wafanyakazi hao, waliweka mbolea na kupalilia miti waliyopanda mwaka 2015 katika eneo la VIP na pembeni mwa barabara ya kuelekea Kago (Cargo) . Vilevile matawi ya baadhi ya miti yalipunguzwa.

Kila mwaka wafanyakazi hao wa TAA wamekuwa wakishiriki katika maadhimisho hayo muhimu kwa kufanya shughuli mbalimbali kamavile kupanda miti, kufanya usafi n.k. katika maeneo tofauti tofauti.

Akifafanua kuhusu tuzo, Msangi alisema kuwa TAA itaanzisha tuzo ya kuhifadhi na kusimamia Mazingira (DG Environmental Award) na atakayeshinda atapewa tuzo hiyo itakayoshindaniwa na viwanja vyote vilivyo chini ya usimamizi wa TAA.

"Itaanzishwa tuzo na kiwanja kitakachoshinda, meneja wakiwanja hicho pamoja na wafanyakazi husika watazawadiwa tuzo na TAA ili kuhamasisha viwanja vingie navyo vifanye vizuri na kushinda kwenye maadhimisho yanayokuja, "alisema Msangi.

Kaimu Mkurugenzi wa TAA pia alizitaja shughuli zingine zinazofanywa na Mamlaka ili kutunza mazingira ni pamoja na kudhibiti maji taka yanayotoka viwajani, ambapo kuna mabwawa (oxidation ponds) yanayokusanya majitaka yote na kuyasafisha ili kukidhi viwango vilivyowekwa.

Mbali na kusafisha majitaka pia kuna mfumo (oil separator) wa kutenganisha maji na mafuta ili kulinda mazingira. Maji ya mvua yote yanayotoka katika eneo la maengesho ya ndege yameelekezwa katika mfumo huu ili kutenganisha maji na mafuta kabla ya kuyaruhusu kwenda kwenye mazingira.

Kupanda miti imekuwa ikipendezesha maneo na pia ikipunguza mrundikano wa gesi ukaa again, ambapo usafiri wa anga umekuwa ukichangia takribani 2% ya gesi ukaa (CO2) inayozalishwa dunia.

image2Mkuu wa Kitengo cha Mazingira, Jofta Timanywa alisema kuwa kila mwaka TAA imekuwa ikiadhimisha siku Siku ya Mazingira Duniani kwa kufanya kazi mbalimbali za kuhifadhi na kusimamia mazingira ikiwemo usafi maeneo mbalimbali pamoja na kupanda miti.



 

 

 

 


image3

Kaimu Mkurugenzi Mkuu wa Mamlaka ya Viwanja vya Ndege Tanzania (TAA), Salim Msangi (kulia) na Kaimu Mkurugenzi wa Utawala na Rasilimali Watu wa TAA, Mohamed Ally wakifanya usafi nje ya jengo la kuwasili na kuondokea abiria mashuhuri (VIP) leo wakati wafanyakazi wa mamlaka hiyo wakiadhimisha Siku ya Mazingira.

image4

Wafanyakazi wa TAA wakifanya usafi leo katika eneo la Kiwanja cha Ndege cha Kimataifa cha Julius Nyerere (Terminal III)

image5

Wafanyakazi wa Mamlaka ya Viwanja vya Ndege Tanzania (TAA) baada ya kumaliza kufanya usafi nje ya Kwanja wa Ndege cha Kimataifa cha Julius Nyerere (JNIA) leo.

Hits: 13
0

Mh. Waziri Mkuu, Kassim M. Majaliwa akiwasili kwenye kiwanja cha ndege cha Dodoma, na akipokelewa na Waziri wa Wizara ya Ujenzi, Uchukuzi na Mawasiliano, Mh. Prof. Makame Mbarawa.

Mh. Prof. Makame Mbarawa, Waziri wa Ujenzi, Uchukuzi na Mawasiliano, akimtambulisha Kaimu Mkurugenzi wa Mamlaka ya Viwanja vya Ndege Tanzania (TAA), Mhandishi George Sambali kwa Mh. Waziri Mkuu, Kassim M. Majaliwa baada ya kuwasili kwenye kiwanja cha ndege cha Dodoma, kwa ajili ya kuweka jiwe la msingi katika mradi wa ukarabati na upanuzi wa kiwanja hicho.

Mh. Waziri Mkuu, Kassim M. Majaliwa akisalimiana na Meneja Msaidizi wa Mradi wa ukarabati na upanuzi wa kiwanja cha ndege cha Dodoma, Han Ying wa Kampuni ya China Henan International Cooperationm (CHICO), wanaofanya kazi hiyo.

Mh. Waziri Mkuu, Kassim M. Majaliwa akiweka jiwe la msingi la mradi wa ukarabati na upanuzi wa kiwanja cha ndege cha Dodoma, huku Mh. Prof. Makame Mbarawa, waziri wa Ujenzi, Uchukuzi na Mawasiliano (watatu kutoka kushoto) akipiga makofi, pamoja na mkuu wa mkoa wa Dodoma, Jordan Rugimbana (wa kwanza kulia).

Mh. Waziri Mkuu, Kassim M. Majaliwa akiwasha kitufe baada ya kuweka jiwe la msingi katika mradi wa ukarabati na upanuzi wa kiwanja cha ndege cha Dodoma, Julai 20, 2016.

Mh. Waziri Mkuu, Kassim M. Majaliwa akipiga makofi pamoja na wageni waalikwa katika sherehe za uwekaji jiwe la msingi katika mradi wa ukarabati na upanuzi wa kiwanja cha ndege cha Dodoma.

Msafara wa Mh. Waziri Mkuu, Kassim M. Majaliwa ukielekea kukagua mradi wa ukarabati na upanuzi wa kiwanja cha ndege Dodoma, ambapo barabara ya kuruka na kutua kwa ndege itawekwa tabaka jipya la lami lenye unene wa 100mm katika Kipande cha urefu wa mita 900 kwa upana wa mita 30.

Katibu Mkuu Uchukuzi, Leonard Chamuriho wa (pili kulia), akimweleza Mh. Waziri Mkuu, Kassim M. Majaliwa juu ya mradi wa ukarabati na upanuzi wa kiwanja cha ndege cha Dodoma, wakati Mh. Majaliwa akikagua mradi huo Julai 20, 2016.

Mh. Warizi Mkuu, Kassim M. Majaliwa (mwenye tai nyekundu) akiendelea kukagua mradi wa ukarabati na upanuzi wa kiwanja cha ndege cha Dodoma. Kulia mwenye mfuko mweusi, ni Kaimu Mkurugenzi wa Mamlaka ya Viwanja vya Ndege Tanzania (TAA), Mhandisi George Sambali.

Ukaguzi wa mradi wa ukarabati na upanuzi wa kiwanja cha ndege cha Dodoma ukiendelea.

Kazi ya ukarabati na upanuzi wa kiwanja cha ndege cha Dodoma ukiendelea.

Magari ya ujenzi yakiendelea na kazi katika mradi wa ukarabati na upanuzi wa kiwanja cha ndege cha Dodoma.

Mh. Waziri Mkuu, Kassim M. Majaliwa akihutubia wananchi wa mkoa wa Dodoma, katika sherehe za uwekaji wa jiwe la msingi katika mradi wa ukarabati na upanuzi wa kiwanja cha ndege cha Dodoma.

Kamati ya mradi wa ukarabati na upanuzi wa kiwanja cha ndege cha Dodoma wakiwa katika picha ya pamoja na Mh. Waziri Mkuu, Kassim M. Majaliwa.

Wafanyakazi wa Mamlaka ya Viwanja vya Ndege Tanzania (TAA), wakipiga picha ya pamoja na mgeni rasmi wa sherehe za kuweka jiwe la msingi katika mradi wa ukarabati na upanuzi wa kiwanja cha ndege cha Dodoma.

Wajenzi wa mradi wa ukarabati na upanuzi wa kiwanja cha ndege cha Dodoma, wa kampuni ya China Henan International Cooperation (CHICO) wakiwa katika picha ya pamoja na Mh. Waziri Mkuu, Kassim M. Majaliwa katika sherehe za kuweka jiwe la msingi la mradi huo.

Ndege ya shirika la ndege la Precision, ATR 72 5H-PWA ikitua kwenye uwanja wa ndege wa Dodoma, Julai 21, 2016 baada ya njia kurefushwa, huku ikiwa imembeba Rais wa Zanzibar, Dr. Ali Mohamed Shein na ujumbe wake waliokuwa wakiudhuria mkutano mkuu wa Chama cha Mapinduzi (CCM).

Precision Air, ATR 72 5H-PWA ikisogea kwenye maegesho baada ya kutua kwenye kiwanja cha Dodoma, ambacho barabara yake ya kutua na kupaa kwa ndege imeongezwa urefu kutoka mita 2 hadi mita 2.5.

Ndege ya shirika la ndege la Precision, ikiwa kwenye eneo la maegesho baada ya abiria waliotoka kwenye kiwanja cha ndege cha Kimataifa cha Julius Nyerere (JNIA) kushuka, akiwemo Rais wa Zanzibar, Dr. Ali Mohamed Shein. MWISHO

Hits: 753
0

Posted by on in TAA Blog

Na Mwandishi Wetu, Dodoma

Thea Semjela wa Uchukuzi SC akipeana mkono na mgeni rasmi Mwenyekiti TRAWU, Mussa Kalala kabla ya kukabidhiwa kombe la mshindi wa pili wa mchezo wa bao kwa wanawake katika michezo ya Mei Mosi.

Joyce Kumondi wa Ujenzi akipokea kombe la mshindi wa pili wa mchezo wa draft kwa wanawake, kutoka kwa mgeni rasmi wa mashindano ya Mei Mosi ,Mwenyekiti wa TRAWU, Mussa Kalala

Ally Zongo wa Uchukuzi SC akipokea kombe la mshindi wa tatu wa mchezo wa karata kwa wanaume, katika michuano ya Mei Mosi.

Mwanaisha Athuman wa Uchukuzi SC akipokea kombe la ubingwa wa netiboli kutoka kwa mgeni rasmi Mwenyekiti TRAWU, Mussa Kalala, katika mashindano ya Mei Mosi.

Wachezaji wa Uchukuzi SC wakiwa wamevipanga vikombe 11 walivyotwaa kwenye michezo mbalimbali ya Mei Mosi, iliyomalizika juzi mkoani Dodoma.

Bingwa wa baiskeli Chaptele Muhumba wa Uchukuzi SC akiwa amekumbatia kombe alilotwaa kwenye mashindano ya Mei Mosi.

Wachezaji na viongozi wa Uchukuzi SC wakishangilia baada ya kufanya vizuri kwenye mashindano ya Mei Mosi yaliyomalizika juzi mkoani Dodoma.

Wachezaji wa netiboli wa timu ya Uchukuzi SC wakishangilia baada ya kupokea kombe la ubingwa wa michezo ya Mei Mosi mkoani Dodoma. Uchukuzi waliwafunga Tamisemi kwa magoli 18-15.

Hits: 893
0

Kamba wanaume watwaa ubingwa

Na Mwandishi Wetu, Dodoma

TIMU ya soka ya Uchukuzi SC jana ilitwaa ushindi wa tatu wa mashindano ya Mei Mosi, baada ya kuwashinda Tanesco magoli 3-2 kwa mikwaju ya penati, katika mchezo uliofanyika kwenye uwanja wa Jamhuri mkoani hapa.

IMG 0002

Kikosi cha Uchukuzi SC wakiwa katika picha ya pamoja kabla ya kuanza mchezo wa kusaka mshindi wa tatu. Uchukuzi waliwashinda Tanesco kwa penati 3-2.

IMG 0013

Abubakar Mwamachi (9) wa Uchukuzi SC akikokota mpira huku mlinzi wa Tanesco Juma Rajabu akiwa ameshika ardhini.

IMG 0023

Wachezaji wa Uchukuzi SC wakimsikiliza kocha wao, maarufu kama Terry wakati wa mapumziko wa mchezo wa kutafuta mshindi wa tatu. Uchukuzi ilitwaa ushindi huo kwa kuifunga Tanesco kwa penati 3-2.

IMG 0028

Omary Kitambo (4) wa Uchukuzi SC akiwania mpira uliopigwa na Stanley Uhagile wa Tanesco. Uchukuzi ilitwaa ushindi wa tatu kwa penati 3-2.

IMG 0048

Kipa Willium Barton wa Uchukuzi SC akikaa tayari kupangua penati ya kipa mwenzake wa Tanesco Hashim Yahya. Uchukuzi ilitwaa ushindi wa tatu kwa penati 3-2.

IMG 0061

Wachezaji wa michezo mbalimbali wa timu ya Uchukuzi SC wakishangilia baada ya timu ya soka kutwaa ushindi wa tatu kwa penati 3-2 dhidi ya Tanesco.

IMG 0067

Kipa William Barton (mwenye jezi ya bluu) wa Uchukuzi SC  akiwa amekaa kwenye benchi, baada ya kumalizika kwa mchezo wa mshindi wa tatu. Uchukuzi walitwaa ushindi kwa kuwafunga Tanesco kwa penati 3-2.

Hits: 899
0

Contact Us

Tel (Gen): +255 22 2842402/3
Fax: +255 22 2844495
Email: This email address is being protected from spambots. You need JavaScript enabled to view it.
P.O.Box 18000 Dar Es Salaam

Social Sites & Blog

Feedback & Enquires